Trump oo sheegay inaysan jirin wax wada-hadal ah oo u dhexeeya Mareykanka iyo Iraan
hadal oo u dhexeeya Mareykanka iyo Iiraan, xilli ay sii xoogeysanayaan khilaafaadka ku saabsan mustaqbalka marin-biyoodka istiraatiijiga ah ee Hormuz.
Wararka Soomaaliya
Trump ayaa qoraal uu soo dhigay baraha bulshada ku sheegay in aysan jirin wax wada-hadal ah oo socda ama loo qorsheeyay oo u dhexeeya Washington iyo Tehran.
Waxa uu sidoo kale sheegay in xannibaadda ciidamada badda ee lagu hayo dekedaha Iiraan ay weli socato, halka uu ku adkeystay in Marinka Hormuz uu furan yahay oo shaqeynayo.
Hadalkan ayaa ka duwanaa sheegashadii Trump ee maalin ka hor, markaas oo uu sheegay in Mareykanku uu waday wada-hadallo dadban oo lala lahaa Ciidanka Ilaalada Kacaanka Islaamiga ah ee Iiraan (IRGC), ayadoo Tehran ay si degdeg ah u beenisay sheegashadaas.
Faahfaahinta
Xiisadda ayaa sii xoogeysanaysa iyadoo Iiraan iyo Cumaan ay wada-hadallo ka wadaan sidii loo maareyn lahaa xaaladda Marinka Hormuz, halka Trump uu horey ugu hanjabay in tallaabo militari laga qaadi karo Cumaan haddii ay farageliso arrinta marin-biyoodka.
Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.
