Maraykanka: Maxkamada Federaal ah oo qaaday amarkii ilaalinayay Soomaalida haysta TPS, taasoo waddada u furaysa masaafur

meelgaarka ah (TPS), taasoo u gogol xaaraysa in maamulka Madaxweyne Donald Trump uu bilaabo masaafurintooda.

Wararka Soomaaliya

Go’aanka ay soo saartay Garsoore Allison Burroughs ayaa meesha ka saaray amar maamul oo ay hore u soo rogtay, kaddib markii Maxkamadda Sare ee Maraykanku ay kiis kale oo la xiriira go’aamisay in maxkamaduhu aysan awood u lahayn inay dib u eegaan go’aanka Waaxda Amniga Gudaha (DHS) ee lagu joojiyay sharciyada TPS-ka ee la siiyey dadka reer Haiti iyo Suuriya.

Garsoore Burroughs waxay sheegtay in inkastoo dacwoodayaasha Soomaalida ahi ay soo bandhigeen dood xooggan, haddana go’aankii Maxkamadda Sare uu ku qasbayo inay arrinta ku qiimeyso waxa ay ugu yeertay “Mullin prism”, iyadoo tixraacaysa kiis maxkamadeed oo magaca Xoghayaha Amniga Gudaha, Markwayne Mullin, wata, kaas oo horseeday joojinta TPS-ka labada dal ee kiiskooda ay Maxkamadda Sare soo dhexgashay.

“Dacwoodayaashu waxay si qancin leh u muujiyeen inay la kulmi doonaan waxyeello aan laga soo kaban karin haddii amarka ilaalinta la diido,” ayay garsooruhu ku qortay go’aankeeda. Waxay sidoo kale sheegtay in dheellitirka dhibaatooyinka iyo danta guud ay u janjeeraan dhinaca dacwoodayaasha, maadaama dowladda aysan muujin in sii wadista TPS-ka inta dacwaddu socoto ay ku keeni lahayd culays aan loo dulqaadan karin.

Faahfaahinta

Soomaaliya ayaa markii ugu horreysay TPS loo asteeyay sannadkii 1991, xaaladdanna waxaa la siiyaa muwaadiniinta dalal ay dowladda Maraykanku u aragto in aan si ammaan ah loogu celin karin dalkooda sababo la xiriira musiibo qaran, colaado ama qalalaase siyaasadeed.

Maamulka Madaxweyne Joe Biden ayaa Soomaaliya markii ugu dambaysay dib ugu asteeyay TPS, isagoo xusay (colaadda hubaysan ee baahsan oo weli ka jirta dalka).

Go’aanka cusub ayaa muujinaya caqabadaha ay la kulmi karaan muwaadiniinta dalalka kale ee haysta TPS marka ay isku dayayaan inay maxkamaduhu dib u eegaan go’aannada lagu joojinayo tarxiilkooda.

Saamaynta

Garsoore Burroughs waxay dib u eegtay dhowr doodood oo ay soo bandhigeen dacwoodayaashu, balse waxay sheegtay in qaar badan oo ka mid ah doodahaas ay saameeyeen go’aankii kiiska Mullin.

Dacwoodayaashu waxay ku doodayeen in hadallo ay sameeyeen xubno ka tirsan maamulka Trump ay muujinayaan “eex ku salaysan isir“, taasoo qayb ka noqon karta sababta Soomaalida loo bartilmaameedsaday.

Garsooruhu waxay qortay in inkastoo dacwoodayaashu ay soo bandhigeen dood xooggan oo ku saabsan sababta hadalladaasi u noqon karaan kuwo cunsuriyad xambaarsan, haddana go’aankii Mullin awgiis aysan maxkamaddu heli karin waddo ay ku go’aamiso in dacwoodayaashu ay ku guulaysan doonaan doodda ku saabsan takoorka isirka.

Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.